Kryetari i Partisë Demokratike të Kosovës (PDK), Bedri Hamza i ka konsideruar shqetësuese mospërputhjet e mëdha të zbuluara gjatë rinumërimit të pjesshëm të votave.

Sipas tij, rinumërimi i plotë i votave në të gjithë Kosovën është hap i domosdoshëm dhe i drejtë, shkruan Arbresh.info.

“Janë tepër shqetësuese mospërputhjet e mëdha të zbuluara gjatë rinumërimit të pjesshëm të votave. Në këto rrethana të krijuara, si Kryetar i PDK-së vlerësoj se rinumërimi i plotë i votave në të gjithë Kosovën është hap i domosdoshëm dhe i drejtë. Institucionet përgjegjëse e kanë obligim kushtetues të veprojnë menjëherë për ta mbrojtur integritetin e procesit zgjedhor.”, ka shkruar ai.

“Çdo vonesë apo hezitim është cenim i drejtpërdrejtë i besimit qytetar.”, u shpreh kreu i PDK-së./Arbresh.info